Hydro har bestemt seg – investerer 1,4 mrd. på Husnes
Hydro har tatt ei endeleg byggeavgjerd om å investera 1,4 milliardar kroner i å oppgradera og starta opp den andre produksjonslinja på Hydro Husnes.
Det skriv Hydro i ei pressemelding onsdag.
Artikkelen held fram under annonsen.
Sidan desember 2017, då det vart kjent av B-hallen skulle opnast, har Hydro jobba detaljert med prosjektet fram til endeleg byggeavgjerd.
Med gjenopninga av B-hallen vil Hydro Husnes produsera rundt 190.000 tonn aluminium i året, noko som er ei dobling frå dagen 95.000 tonn. Og med dobbel produksjon trengs det også fleire folk i arbeid, ifølgje Hydro skal det her vera snakk om 90 arbeidsplassar.
– Vi satsar på aluminiumsproduksjon i Norge på rein, fornybar kraft og gjer det med teknologi i verdsklasse, seier leiar for primærmetall Hilde Merete Aasheim til pressemeldinga.
Det er forventa at linja vil starta produksjonen første halvår i 2020.