Hydro-konsernet tek grep – varslar permitteringar

Koronasituasjonen skapar stor usikkerheit i marknaden for Hydro. No innfører selskapet ei rekkje avbøtande og drastiske tiltak.

Koronapandemien byr på utfordringar for den globale økonomien og bidreg til ein betydeleg usikkerheit for Hydro. Difor tek dei no grep og iverksett tiltak som omfattar endringar av tidlegare annonsert utbyteavgjerder og frys av investeringar.

- Helsa og sikkerheita til våre tilsette og lokalsamfunna kor vi har vår drift er vår viktigaste prioritet. Med kraftfulle avbøtande tiltak og beredskapsplanar på tvers av selskapet vil vi halda fram våre operasjonar så langt det er mogleg, til fordel for våre tilsette, vår verksemd, våre lokalsamfunn og samfunnet elles, seier konsernsjef Hilde Merete Aasheim i ei pressemelding og legg til at Hydro vil vurdera andre tiltak fortløpande i takt med korleis situasjonen utviklar seg.

 

Fleire tiltak

I tillegg til å utsetja gjenopninga av B-hallen ved Hydro Husnes, er dette tiltaka Hydro no har iverksett:

- Midlertidig reduksjon og permitteringar

- Hydro frys 25 prosent av attverande 2020 investeringar

- Kostnadskutt og kostnadsdisiplin på tvers av selskapet

- Lønsfrys for konsernleiinga og ingen bonus for 2020

- Styrevedtak om å endra utbyteforslaget på 1,25 kroner per aksje og i staden føreslå at styret får fullmakt til å vedta utdeling av utbyte på eit seinare tidspunkt, dersom forholda ligg til rette for det