Ingen blåste raudt

Politiet gjennomførte promillekontroll på Stripo i går føremiddag frå 08.45-10.15.

Dei vinka inn 77 bilar, der førarane vart bedne om å syna førarkortet og å ta blåsetest.

– Ingen fekk reaksjonar frå politiet i denne kontrollen. Men onsdag kontrollerte vi 39 bilar i Opsangervegen saman med Statens vegvesen. Då fekk to førarar gebyr for manglande førarkort, fortel politibetjent Torgeir Fosse.