Distribusjonstrøbbel for Grenda i dag
Nokre av abonnentane til Grenda får avisa i dag, men diverre er det mange som må venta til i morgon.
Tidleg torsdag byrja Grenda-lokalet å få telefonar frå folk som sakna avisa i postkassa. Fyrst verka det som at det var Hatlestrand og Ølve som var råka, men no viser det seg at distribusjonsproblema omfattar heile Kvinnherad.
Slik situasjonen ser ut no, har faktisk avisene kome fram til distribusjonssentralane. Men listene som viser kven som skal ha Grenda manglar. I ei tid med ferieavvikling og sommarvikarar byr dette på utfordringar. Nokre stader er det levert ut aviser til dei sjåførane veit abonnerer på Grenda, medan andre plasser er det ikkje gjort.
Artikkelen held fram under annonsen.
Grenda har blitt lova at alle skal få aviser i morgon i staden, og kryssar fingrane for at det går i orden.