Ingen kultur- og idrettsarrangement før 15. juni
Kulturminister Abid Raja (V) varsla tysdag at restriksjonane rundt kultur- og idrettsarrangement blir ståande til 15. juni.
Det betyr at alle kultur- og idrettsarrangement som ikkje oppfyller krava om to meters avstand og grupper på maks fem , vil vera forbode å gjennomføra minst fram til 15. juni.
Artikkelen held fram under annonsen.
- Det inneber eit offer for idretten, frivilligheita og kulturlivet, seier Raja til VG.
Når alle arrangement vert avlyst fram til 15. juni, betyr det at ei rekkje musikkfestivalar no vert avlyst og at det ikkje blir spelt eliteseriestart i fotball i alle fall før 15. juni.
- Det er smittevernet som er det avgjerande. Det er viktig at vi tek vare på liv og helse, og at vi ikkje bidreg til å spreia smitte, seier Raja til NRK.
Kva som skjer med kultur- og idrettsarrangement som etter planen skal gå av stabelen etter 15. juni, vil regjeringa koma tilbake til seinast første veka i mai.