Innovasjonspris til Hydro Husnes
Hydro Husnes stakk av med innovasjonsprisen under Primærmetall i Hydro si årlege leiarsamling denne veka.
Saman med forskingssenteret, Hycast ved Hydro Sunndal og den kommersielle organisasjonen i Primærmetall, vart Hydro Husnes heidre for sitt nybrotsarbeid i produksjonen av smibolt.
Artikkelen held fram under annonsen.
– Dette teamet har utvikla ei ny produktlinje i Primærmetall. Smibolt produsert med ein nyskapande prosess som vi ikkje har sett tidlegare i denne bransjen, skriv Hydro i ei pressemelding.
Jøren Røstbø, Jørn Skaar og fabrikksjef Johan Berg tok i mot prisen på vegne av verket på Husnes. Saman med resten av vinnarlaget har Hydro Husnes bidrege til at det er blitt utvikla ei ny innovativ støypeform.
– Dei har brukt ein avansert prosessmodelleringstilnærming for å utvikla prosesskontrollstrategiar. Og har konstruert ein prosess som skal installerast på Hydro Husnes med planlagt produksjonsstart i 2020, står det å lesa i pressemeldinga.