Inviterer til romjulscup for 27. gong
Også i år gir IL Trio fotball deg moglegheita til å kjempa om æra på parketten i Husneshallen i dagane etter julaftan.
Så no ynskjer Trio at du skal samla venninnene eller kameratane dine og melda på eit lag til det som er den 27. utgåva av romjulscupen.
Artikkelen held fram under annonsen.
– Romjulscupen går av stabelen 2. og 3. juledag, og blir på folkemunne rekna som den mest prestisjetunge og viktigaste turneringa etter Champions League. Ein folkefest det vert snakka varmt om langt inn i korridorane på Anfield, skriv IL Trio på si nettside.
Nytt av året er at det er sett eit tak på fire aktive spelarar på kvart lag, men det er samstundes berre mogleg å bruka to av dei på banen på same tid.