Kan bli fleire røystekrinsar

Ordførar Peder Sjo Slettebø har bedt om ei utgreiing for å vurdera om talet røystekrinsar i Kvinnherad bør aukast att.

Neste års stortingsval går av stabelen måndag 11. september. Men kommunestyret vedtok samrøystes at det i Kvinnherad også skal haldast val dagen før. Førehandsrøystinga startar allereie 10. august.

Fleirtalspartia varslar også at dei ynskjer sak om talet røystekrinsar, etter at dette vart monaleg redusert i mars 2014. Då vedtok ein å endra frå 23 til fire krinsar.