– Kjære foreldre, engasjer dykk

Våren 2020 har vært annleis. Covid-19 og smittevernsrestriksjonane har ført til at ungdommen vår har fått kvardagen dratt vekk på ein inngripande måte. Skuledagar med undervisning, friminutt og sosial kontakt med jamaldrande, blei i åtte lange veker erstatta av heimeskule, Teamsmøter og lunsj med mor eller far på heimekontor. Fritidsaktivitetar blei erstatta med TV-sjåing og gåturar med foreldre og søsken. Helgeturar og turneringar blei avlyst over natta. Koronalivet er meir monotont og kjedeleg, og dei unge er blitt ramma spesielt hardt.

 

Ein annleis sommar

Ein annleis vår skal no følgast av en annleis sommar. Smittevernsrestriksjonane er ikkje like streng lenger, men sommaren 2020 vil likevel vera prega av smittefaren: Kanskje ingen utanlandsferie, ingen korpstur, færre klemmar og stadig redsel for at smittetala igjen skal byrja å stiga.

Det er tøft for mange av oss, men ekstra tøft for ungdommen. Mange unge fortel om einsemd og psykiske utfordringar. For eksempel viser ei undersøking Opinion har gjort for Røde Kors ei auke frå 22 til 45 prosent i opplevd einsemd i aldersgruppa 16 til 23 år, for månadane april og mai.

 

Du er viktig

Foreldrerolla er ekstra viktig no, og sjølv om det kanskje kjennes godt at du og ungdommen endelig kan leve litt ulike liv igjen, og ikkje være oppå kvarandre døgnet rundt, er det viktigare enn nokon gong at du engasjerer deg.

Du bør snakke med dei om korleis det er å være ungdom i ei tid der ungdomstidas fremste kjenneteikn- fridom, masse vennekontakt og travle dagar med trening og aktivitetar - er blitt angrepet av korona og smittevernhensyn. Du bør snakke med dei om psykisk helse og rusbruk, og hjelpe dei til å lage vennetreff og arrangement, som gjer at ungdommen kan treffast igjen utan at smittevern reglane vert brotne. Og du må tørre å sette grenser for utetider og alkoholbruk – sjølv om du unner dei mest av alt å være samen med andre enn deg og kjernefamilien.

 

Festar

Mange stader opplever dei nå at oppmjukinga av smittevernreglane har ført til at ungdom samlast igjen for å drikka og festa.

Det er alltid alvorlig når ungdom drikk alkohol før dei er 18. Vurderingsevna blir dårlegare, og det blir lettare å utsette seg sjølv og andre for unødig risiko. Risikoen for ulykker stig under alkoholpåverknad, og sex man angrar på skjer oftare når ein har drukke.

Men i år har ungdomsfestane også fått en ny risiko: covid-19.  Alkohol gjer at ungdommen mister hemningar. Det er lettare å gleppe på etablerte smittevern reglar som handvask og avstand til andre. I tillegg aukar risikoen for åtferd som er direkte smittefremmande, som tett kroppskontakt og drikking frå same flaske.

Kvinnherad trenger foreldre som snakkar med ungdommen om alkohol, og som tør å sette tydelige grenser. Dette kan du som forelder gjere.

• Snakk med ungdommen din om samanhengen mellom festar, menneskemengder og smittespreiing.
• Sett tydelege grenser både for alkohol og sosiale samkome. Forsking viser at i familiar med klare regler om alkohol drikk tenåringen mindre og meir forsiktig enn sine jamaldrande.
• Tilby deg å køyra og henta når ungdommen skal ut, slik at du vet kor ungdommen er, og kven dei er samen med.
• Snakk med andre foreldre, bli einige om felles reglar, og vær på tilbodssida for å bidra til aktivitetar som tar i vare smittevernhensyna, samtidig som dei engasjerar ungdommen.

Denne sommaren kommer til å bli annleis enn vi hadde sett for oss. Gjer ditt for at den likevel blir så trygg og god som mulig, både for deg og tenåringen din.

 

Av:

Heidi Bolette Jakobsen, SLT-koordinator i Kvinnherad kommune og

Randi Hagen Eriksrud, generalsekretær Alkovettorganisasjonen Av-og-til