Det var 160 personar som tok turen til seniorfesten i 2021, eit arrangement som vart svært vellukka. (Arkivfoto)

Klart for ny seniorfest

Vil du vera med på årets seniorfest må du melda deg på i dag, 20. september.

Seniorfesten, som er ei markering av den internasjonale eldredagen, finn stad i Festsalen på Husnes den 29. september.

På programmet for hendinga står mellom anna helsing frå ordførar Hilde Enstad, middag, underhaldning og allsong. Det heile blir sydd saumlaust saman av dagens konferansier, Nils Trygve Markhus.

Store smil

I fjor samla seniorfesten 160 blide menneske frå heile kommunen.

– Ein magisk kveld som varte i tre timar, og smila gjekk rundt på gjestene då dei reiste heim, oppsummerte Veronica T. Thorsen i Kvinnherad frivilligsentral etter festen då.

FNs internasjonale eldredag har i 2022 følgjande overordna tema: «Eldre menneske sin motstandsdugleik i ei verd i endring».