Klubba gjennom nytt fylkesvåpen
Det nye fylkesvåpenet for Vestland er endeleg vedteke.
Det vart klart etter at eit samrøystes fylkesting gjekk inn for det blå alternativet i Norheimsund torsdag.
Artikkelen held fram under annonsen.
– Dette er eit flott fylkesvåpen som vil vera samlande for heile Vestland, seier fylkesordførar Anne Gine Hestetun i ei pressemelding.
Det nye fylkesvåpenet viser fjell i sølv, med djupblå farge i bakgrunnen som symboliserer fjord.
– Fylkesvåpenet har engasjert innbyggjarar i heile det nye Vestland fylke. Eg er glad for at motivet blei fjord og fjell. Dette var populært hos innbyggjarane og er eit motiv som alle i det flotte fylket vårt kan kjenna seg att i, seier Hestetun.