Kom over skada hjort i vegbanen
Politiet fekk fredag morgon melding om frå nokon som hadde oppdaga ein skada hjort i vegbanen på Løfallstrand. Men dei har ikkje fått inn melding om noko påkøyrsle.
– Ingen må vera redde for å melda frå om ein har mistanke om at ein har køyrd på ein hjort. Viltkontakten er på vakt, og kan nåast ved å ringa 02800. Sjølv om ein ser at dyret springe vidare så er ikkje det eit teikn på at det ikkje er skada. Har det vore kontakt, så meld i frå, seier politioverbetjent Torgeir Fosse i Kvinnherad lensmannsdistrikt.