Kommunen søkjer økonomisjef
Kvinnherad kommune har lyst ut stillinga som økonomisjef.
Kommunen søkjer ein fagleg sterk, handlekraftig og utviklingsorientert person i stillinga som ny økonomisjef på rådhuset.
Artikkelen held fram under annonsen.
– Me ynskjer også at den som vert tilsett er ein lagbyggjar som trivst med å skapa resultat gjennom erfarne og dyktige medarbeidarar, heiter det i stillingsannonsen.
Den vart lagt ut på kommunen sine sider onsdag ettermiddag.
– Økonomisjefen vil ha ei sentral rolle i kommunedirektøren si leiargruppe, og skal sikra at det er god kvalitet på den overordna økonomistyringa i kommunen. I tillegg vera rådgjevar og fagleg støtte for kommunedirektøren og leiarar med delegert budsjettansvar, står det i utlysinga.
Søknadsfristen er sett til 4. februar.