Konferanse om nettverk og samhald
23. mai går Kvinnheradkonferansen 2019 av stabelen i Kulturhuset Husnes.
Den nest siste torsdagen i mai inviterer Kvinnherad Næringsservice til den fyrste Kvinnheradkonferansen. Ein konferanse for nettverk og samhald.
Artikkelen held fram under annonsen.
– Er du arbeidstakar eller næringsdrivande, student eller pensjonist? Brenn du for Kvinnherad og ynskjer å delta i utviklinga av kommunen din, samt møta andre med same engasjement? Då ynskjer vi deg hjarteleg velkommen til Kvinnheradkonferansen 2019, melder Kvinnherad Næringsservice.
Konferansen startar på ettermiddagen og held fram til langt på kveld, alt leia av ordstyrar Arne Torget.
Frå scena vil Edgar Valdmanis og Pellegrino Riccardi stå for det det faglege innhaldet med sine føredrag. Valdmanis har 30 års erfaring innan kommunikasjon og marknadsføring, og vil før den fyrste pausen snakka om temaet nettverksbygging i ein time. Etter pausen vil Riccardi, som har sitt virke innan kultur og kommunikasjon i Norge, halda eit føredrag på halvanna time om temaet kommunikasjon og samarbeid. Føredraget vert avslutta med ein innhaldsrik middag og ein urpremiere på Husnes Funk Orchestra.