Kontantlaus betaling på alle bussar i Vestland

No treng ein ikkje lenger kontantar for å kjøpe billett på bussen.

Bussane i Sunnhordland og Hardanger fekk kortbetaling i vinter og har hausta gode erfaringar frå dette.

Sjølv om dei fleste framleis kjøper billett på mobilen, har mange av dei som kjøper billett på bussen gått over til betaling med bankkort i staden for kontantar.

– Det tok ikkje lang tid før over halvparten av dei som betalar om bord, betalte med kort i staden for kontantar. Dette syner at løysinga er svært nyttig for dei som av ulike grunnar kjøper billett av sjåføren. Mange har jo ikkje med seg kontantar lenger. Bankkortbetaling gjer også at bussjåførane får mindre pengar å passe på, seier Kari Steinsland, leiar for mobilitetstenester i Skyss til Vestland fylkeskommune.

For at bussen skal bruka minst mogleg tid på kvar haldeplass oppmodar Steinsland om at flest mogleg kjøper billett før dei går om bord.