Køyrde i mur i Uskedalen
Klokka 03.40 natt til torsdag rykte politi og ambulanse ut til eit trafikkuhell til Uskedalen sentrum.
Eit køyretøy med to personar mista kontrollen og hamna utfor vegbanen. Bilen trefte ein mur, men dei to involverte personane kom frå uhellet utan skadar.
Artikkelen held fram under annonsen.
– Det var ingen personskade og få materielle skadar. Vi var ute på staden og snakka med førar. Det er ingen mistanke om ruskøyring, og det vert ikkje oppretta sak, seier politibetjent Håkon Tørvik i Kvinnherad lensmannsdistrikt.