Køyrte i narkorus i bil med stolne kjennemerke

Fredag ettermiddag stoppa politiet ein bilist i Herøysundet mistenkt for køyring i ruspåverka tilstand.

I samband med det ransaka dei bilen til vedkomande og tok beslag i ei mindre mengd narkotika. Etter funnet vart mannen sett i arrest i Odda, før politiet ransaka to adresser i Kvinnherad. Også her tok dei beslag i narkotika.

Mannen vart dimittert laurdag morgon og er no mistenkt for køyring i ruspåverka tilstand og bruk og oppbevaring av narkotika. Bilen mannen køyrte i hadde også stolne kjennemerke.