Kundar får tilbake Viasat-kanalane
Kvinnherad Breiband sine TV-kundar får tilbake Viasat-kanalane fredag ettermiddag.
Telia og Nent Group har blitt einige om ein langsiktig distribusjonsavtale som gjer at norske Telia-kundar igjen får tilgang på alle Nent sine kanalar og strøymetenester.
Artikkelen held fram under annonsen.
1. mars braut partane forhandlingane og 470.000 Telia-kundar mista tilgangen til TV3, V4 og ei rekkje andre kanalar. I dei 470.000 kundane inngjekk også kundar av Kvinnherad Breiband sine TV-tenester.
– Vi er glade for at vi igjen kan gi våre kundar marknadens breiaste TV-tilbod. Eg vil samstundes beklaga situasjonen som har vore dei siste vekene ovanfor våre kundar. Vi forstår frustrasjonen, men vi har no funne ei god løysing for begge partar, seier administrerande direktør Stein-Erik Vellan i Telia i ei pressemelding.