Kvalitetspris til Hydro Husnes
Støyperiet på Hydro Husnes vart kåra til vinnar av kvalitetsprisen 2019 under Hydro si årlege leiarsamling.
Forretningsområdet Primærmetall i Hydro har torsdag si årlege leiarsamling. Ei av dei største hendingane på denne samlinga er kåringa av verk og einingar som har gjort seg fortent til å stikka av med dei gjeve prisane for sine framifrå forbetringar og resultat i året som har gått.
Artikkelen held fram under annonsen.
Støyperiet på Hydro Husnes stakk av med kvalitetsprisen for 2019.
– Kvalitetsprisen går til ei eining som demonstrerer betydelege og berekraftige forbetringar av kundeforhold og forbetra kundeverdi. Støyperiet på Husnes har store forbetringar i overflatekvalitet, ingen kundeklager dei siste to åra, forbetra yting og legeringevne og dei blir sett på som ein industriell standardsettar av Extruded Solutions, står det å lesa i juryen si grunngjeving.