– Kvinnherad treng deg!
I Kvinnherad er det 9 politiske parti som stiller lister til kommunevalet.
Bak listeframlegga står heile 231 listekandidatar. Kandidatane har sagt seg villige til å bidra for å løysa viktige politiske oppgåver for å utvikla kommunen, dei neste 4 åra.
Artikkelen held fram under annonsen.
Dei politiske partia har ulike standpunkt, visjonar og målsetnader. Men felles for dei alle –representera innbyggarane i Kvinnherad på ein god måte!
Den komande 4-års perioden, vil ikkje vera noko unntak. Her vil det bli gjort viktige vedtak som vil være med å forma tida som kjem for vår felles kommune.
Vår felles natur og kultur.
Vår felles identitet og mangfald.
Vår felles framtid.
Ein kommune me alle er stolt over!
For å få dette til, er det viktig at du nyttar røysteretten i kommunevalet!
For å utvikla kommunen vår i rett retning ynskjer Senterpartiet ei utvikling av lokaldemokratiet. Me vil styrkja kvinnheringane sine moglegheiter for å vera med å delta på ulike nivå. Blant anna vil me:
Artikkelen held fram under annonsen.
- Styrkja og formalisera samarbeidet med bygdelaga og sentrumsforeiningane.
- Skapa gode arenaer for debattar, meiningsutveksling, samhald og lagbygging.
- Sikra alle innbyggarane enklare kontakt og dialog med kommunen.
Kort fortalt; Senterpartiet vil bygga og utvikla kommunen saman og i takt med innbyggarane.
Nye arbeidsplassar, betre samferdsle og kollektivløysingar, barnehagar, skule, helse- og omsorg.
Ja alt me vil fylla kommunen vår med, blir til, saman med deg!
Godt val, alle saman!
Artikkelen held fram under annonsen.
Hans Inge Myrvold
Ordførarkandidat Senterpartiet
[gravityform id="11" title="true" description="true"]