Ledige vaksinetimar til 22. juli er no lagt ut på Remin

Kvinnherad kommune har i dag kome med vaksinenytt på si Facebookside. Dei har nemleg lagt ut 263 nye vaksinetimar for personar mellom 18-24 år og frå 40 år og eldre, for torsdag 22. juli.

– Er du tilsett i barnehage, skule eller integrering – eller om du jobbar turnus på sjøen og ikkje høyrer til desse aldersgruppene; registrer deg i Remin først og ring telefonen vår for å avtala time etterpå, skriv dei, og legg til at det er ledige timar både i Rosendal og på Husnes.

Som eit PS skriv dei at systemet i Remin gjer at mange får kjensla av å registrere seg på nytt for kvar gong ein gå inn på brukaren sin. Det er i følgje kommunen heilt normalt for dette programmet.

– Hald fram til du finn deg ein time, oppmodar dei med eit smil.