Regjeringa startar gjenopninga av landet fredag.

Lettar på nasjonale koronatiltak: – Vi startar no gjenopninga

Regjeringa reverserer dei nasjonale tiltaka dei innførte før påske frå midnatt, natt til fredag 16. april.

Statsminister Erna Solberg opna tysdagens pressemelding med positive ord.

– Vi startar no gjenopninga. Vi går vidare i trinna i gjenopningsplanen og opnar opp ein del av tiltaka som vart innført før påske, sa Solberg.

Artikkelen held fram under annonsen.

Men sjølv om dei no startar på første trinn i gjenopningsplanen, vil ikkje oppmjukinga i dei nasjonale tiltaka få noko betydning for område med høgt smittetrykk.

– Tiltaka vil bli innført først på fredag. Grunnen til det er at kommunane skal ha tid til å innføra strengare tiltak lokalt, dersom det er behov for det på grunn av smittesituasjonen lokalt, sa Solberg.

Regjeringa opnar opp for skjenking fram til klokka 22 med eit krav om matservering og reduserer anbefalinga om avstand frå to meter til éin, men påpeikar at ein framleis må avgrensa sosial kontakt.

– Vi oppmodar folk til å møtast utandørs og ikkje ha fleire enn fem gjestar heime. Er alle gjestene frå same husstand, kan ein ha fleire gjester, men det må vera mogleg å halda tilstrekkeleg avstand, sa Solberg.

Smitteapp

Avslutningsvis kom statsministeren med ei oppmoding klar og tydeleg oppmoding som handla om smittesporingsappen.

– Når vi no opnar for at fleire menneske kan samlast, så er det ekstra viktig at vi kan spora eventuelle smittetilfelle så raskt som mogleg. Der kan smittesporingsappen vera til god hjelp. Då er det ekstra viktig at alle brukar smittesporingsappen. Då vil du få beskjed om du har vore nær ein smitta person, og få beskjed at du må gå og testa deg. Så ta appen i bruk, sa Solberg.

Dette er tiltaka:

Sosial kontakt

* Alle bør avgrensa sosial kontakt.

Artikkelen held fram under annonsen.

* Det vert oppmoda om å møta andre utandørs, og til å ikkje ha fleire enn fem gjestar heime. Dersom alle gjestane kjem frå same husstand kan ein vera fleire, men ein må då kunna halda avstand.

* Barn i barnehagar og barneskular kan ha besøk frå same kohort.

Reiser

* Reiser til utlandet vert frårådd. Strengt naudsynte reiser kan gjennomførast.

* Unngå unødige innlandsreiser. Dette er særleg viktig til og frå område med høgt smittepress.

* Ein kan reisa på hytta (eigd eller leigd) eller på hotell innanlands, men unngå kollektivtransport dersom det er mogleg.

* Reiser til arbeids- og studiestad kan reknast som ei naudsynt reise.

* Personar som reiser til kommunar med mindre strenge tiltak enn der dei bur, bør følgja tilrådingane som gjeld der dei bur til vanleg.

Artikkelen held fram under annonsen.

Skular og barnehage

* Barnehagane og skulane er på gult nivå i tråd med trafikklysmodellen, med mindre lokale tilhøve tilseier noko anna.

Arbeidsliv

* Heimekontor for alle som har moglegheit til det.

Idretts- og fritidsaktivitetar

* Barn og unge under 20 år kan trena og delta på fritidsaktivitetar som normalt. Dei vert unnateke tilrådinga om ein meters avstand når dette er naudsynt for å driva med aktiviteten.

* Om barn og unge trener/øver med eit lag, foreining eller liknande i ein annan kommune vil dei kunna konkurrera med dette laget så lenge smittesituasjonen tillét det.

* Barn og unge under 20 år som driv med idrettar som ikkje inneber nærkontakt kan delta i utandørs idrettsarrangement som samlar deltakarar frå same idrettskrins eller region, der region vert nytta som geografisk inndeling.

Artikkelen held fram under annonsen.

* Vaksne kan driva organisert aktivitet innandørs i grupper på inntil 10 personar, så lenge dei kan halda minst ein meters avstand.

* Utandørs kan vaksne driva organisert aktivitet, så lenge dei kan halda minst ein meters avstand.

* Toppidrettsutøvarar kan trena som normalt, både utandørs og innandørs.

Reglar for heile landet

Privat samvær og arrangement:

* Arrangement som samlar personar frå ulike kommunar vert tilrådd utsett eller avlyst.

Reglane for arrangement er som følgjer:

* Maks ti personar i private samvær utanom eigen heim, til dømes bursdag i leigd lokale. Maks 20 personar utandørs. Born i same kohort i barnehage eller barneskula kan møtast med eit naudsynt tal på vaksne som tilretteleggarar.

Artikkelen held fram under annonsen.

* Maks ti personar på innandørs arrangement utan faste tilviste sitjeplassar, men likevel inntil 50 på idretts- og kulturarrangement som samlar deltakarar under 20 år som tilhøyrar same kommune.

* Maks 100 personar på arrangement der alle i publikum sit på faste, tilviste sitjeplassar.

* Maks 200 personar på arrangement utandørs, men 600 personar (fordelt på 3 kohortar på 200 personar), dersom dei sit på faste tilviste plassar og det er to meters avstand mellom kohortane.

* Arrangøren skal syta for tiltak som stettar krav til avstand mellom deltakarar som ikkje er i same husstand på arrangement der publikum sit på faste, tilviste sitjeplassar. Om det er naudsynt, skal det nyttast vakthald for å sikra dette.

* Same høve til å skjenka alkohol på arrangement som på serveringsstader..

* Opnar opp for skjenking av alkohol i heile landet. Skjenking fram til klokka 22.00 med krav om matservering.

Les også
Slik vil regjeringa gradvis opna samfunnet