Lokale eigarar kjøper seg opp i Energi Teknikk
Leiande personar i Energi Teknikk AS kjøper seg opp som større eigarar i selskapet.
Det serbiske vasskraftselskapet Hidroistel doo. har seld sine aksjar i E.T. Holding til leiande personar i Energi Teknikk. Carine klemmetsen og Arild Steinsvik kjøper gjennom sitt selskap AksInvest AS 21 prosent av aksjane i E.T Holding, medan Eivind Tvedt gjennom sitt selskap E. Tvedt AS har kjøpt 6 prosent av aksjane i holdingselskapet som er hovudeigar i Energi Teknikk AS med sine eigardel på 82,6 prosent.
Artikkelen held fram under annonsen.
Lokalt eigarskap
Det betyr at forretningsutviklar og styreleiar Eivind Tvedt i Energi Teknikk no eig 40 prosent av E. T. Holding AS, og at dagleg leiar Arild Klette Steinsvik, saman med leiar for sal og marknad Carine Klemmetsen, eig 27 prosent.
– Vi ynskjer å satsa vidare på Energi Teknikk, og trur at lokalt eigarskap saman med kompetente medarbeidarar utgjer ein verdifull ressurs for selskapet som kundane våre vil nyta godt av, seier dagleg leiar Arild Klette Steinsvik i ei pressemelding.
Energi Teknikk har i dag 22 tilsette innanfor administrasjon, sal, teknisk, prosjektstyring og installasjon, og leverer elektromekanisk utrusting til over 160 småkraftverk i Norge.
– Vi har opplevd ein sterk vekst dei siste åra og vi er blant anna no midt i levering av nye kontrollanlegg til Leinafoss kraftstasjon for E-CO og utføringsentreprise for bygging av Tokagjelet kraftverk for Clemens Kraft. Slike leveransar utover ordinære elektromekaniske leveransar gjev medarbeidarane våre nye utfordringar, samstundes som at selskapet bygger ytterlegare kompetanse i slike leveransar, seier Steinsvik i pressemeldinga.