Lokale minnemarkeringar

Etter Kong Harald si bortgang har fleire hatt eit behov for å samlast. For å tenne ljos, legge ned blomar og for å saman minnast kongen. Fleire av samlingane har vore spontane, og ein har nytta sosiale mediar for å informere om desse.

Spontant initiativ

Anne Britt Kjerpeseth Tittersnes og Rita Nordnes frå Husnes tok eit spontant initiativ til å tenne ljos og leggje ned blomar i rundkøyringa ved Circle K på Husnes fredagskvelden. Via sosiale mediar nådde dei ut til fleire, og klokka 18 samla ein stad mellom 15 til 20 stykke seg. Nokon hadde med seg ein høgtalar og kongesongen vart spelt  medan folk samla seg.

– Staden har vorten ein samlingsplass når me har hatt behov for å ha ein stad å samlast i sorga, seier dei.

Også tidlegare har det vore markeringar akkurat her ved ulukker eller dødsfall. Dei to opplever at trafikken rundt rundkøyringa syner hensyn og respekt.

Betydde mykje

– Folk har eit behov for å samle seg, og dei fleste har ikkje moglegheit å reise til Oslo eller Bergen for å vere til stades der. Kongen betydde mykje for mange, difor vert det viktig å lage til ein plass der vi kan samlast i sorga og minnast, meiner dei.

Dei fortel og om to gutar i småskulealder som hadde panta flasker på Rema 1000 for å kjøpa blomar som dei kunne leggje ned i rundkøyringa.

– Kong Harald var samlande og nådde ut til alle, men me får ein fin konge i Haakon og, avsluttar dei.