Lovar 120 millionar kroner til reduserte ferjeprisar

I forslaget til revidert nasjonalbudsjett lovar regjeringa eit priskutt på 10 prosent på ferjeprisane. I tillegg skal prisane halverast innan 2025.

– Vi har gode nyhende, ikkje minst for Distrikts-Norge, seier samferdselsminister Knut Arild Hareide (KrF) til NTB.

Saman med distriktsminister Linda Hofstad Helleland (H) og klima- miljøminister Sveinung Rotevatn (V) er han no klar til å avduka regjeringa sin plan for ei halvering av ferjeprisane i landet.

Ifølgje NRK, som igjen viser til NTB, har planen to trinn;

* I forslaget til revidert nasjonalbudsjett setter regjeringa av 120 millionar kroner til å redusera ferjetakstane i 2. halvår i år. Av dette skal 55 millionar gå til fylkesvegferjene og 65 millionar til riksvegferjene. Løyvinga skal sikra eit priskutt på 10 prosent

* Dei neste åra skal kutta halda fram med 10 prosentpoeng per år fram til 2025. Då er prisnivået halvert.

Opp til fylka

Kostnaden for eit kutt på 10 prosent er på 240 millionar kroner når reduksjonen gjeld for eit heilt år. Det betyr igjen at ei halvering vil kosta staten vel 1,2 milliardar kroner per år.

Men sjølv om dei legg opp til ei halvering, kan ikkje Hareide lova at kutta vert like store på alle ferjer. På fylkesvegsambanda er det nemleg opp til fylka sjølv å bestemma.

– Vi må legga pengane på bordet, så må vi sjå korleis dei lokale prioriteringane er på dette, seier Hareide ifølgje NRK.