Luke 1 i adventskalenderen til Kvinnherad Turlag
Den første dagen i desember går turen i Åkra.
Ei vakker bygd i utkanten av Kvinnherad. Me møtest på Bedehusplassen klokka 17.00. Så går turen utover mot Brekkegrenda. Der er det ingen vegljos, så me går i stummande mørke.
Me stoppar ved trehytta i Vikane. Ei flott hytte, sekskanta med gras på taket. Her fyrer me i bålpanna og nyt god, varm drikke og litt julebakst.
Artikkelen held fram under annonsen.
Om me har ungar og leikne vaksne med, så er dette ein fantastisk å leika «gje eit lite blink». Om veret er bra, kan me få ein flott stjernehimmel over oss. Me er attende om lag klokka 19.
Kle deg godt, og ta med hovudlykt eller lommelykt.
Alle er hjarteleg velkomne, små og store. Send gjerne ein sms til 95974438 for påmelding
Gler meg til tur med deg.
Helsing turleiar Gunnlaug V. Tjelmeland