Luke 13: To turar på Luciadagen

Tur 13A: I Luciatog til Kaldestadåsen med hovudlykt

Frammøte ved nedre parkeringsplass ved Kvinnherad vidaregåande skule kl. 17.00

Kle deg etter vêret, og ha med hovudlykt. Sjekk at du har nok straum på lykta då vi må bruke lykt på heile turen. Turen går via Stegabrekko og opp til Kaldestadåsen. Vi reknar med å bruke ca. 2 timar tur/retur. På toppen nyt vi utsikten ut over Husnes, eit nydeleg skode i mørket. Og sidan det er Luciadagen, kan det godt bli ei kjekk overrasking på toppen.

Påmelding: sms/ring Gunn Heidi Eikemo Steine 413 24 617 eller Tove Omdal, 909 44 865.

Tur 13B: Til Flåtane med hovudlykt.

Luka i Kvinnherad turlag sin adventskalender går i dag til Flåtene, eit flott turmål i Eikedalen i Uskedalen. Vi slår oss ned ved gapahuken.

Vi startar frå Vassverket kl. 17. Om du er usikker på vegen til vassverket, er det berre å fylgja merkinga til Englafjell som startar der Eikevegen byrjar ved fylkesvegen, rett utanfor Eikebrua. Vi går så den øvre stien opp til Flåtene, går gjennom roleg granskog og høyrer susen frå elva. Flåtene er ei fin stor open slette. Her har sauer og kyr i generasjonar kost seg med saftig godt gras, og vi som går på to bein har plukka litervis med blåbær og tyttebær. Ved gapahuken, som dugnadsgruppa har sett opp, lagar vi bål, serverer varm gløgg og lussekatter.

Det blir stummande mørkt så alle må ha med seg lykt. Vi håpar på brukande turvêr, og vi håpar at mange blir med oss på denne turen. Fint om den som vil vera med, sender ein liten sms til 48893150. Men alle kan vera med utan fyrst å ha sendt melding.

Turleiarar Steinar Kroka og Kjell Yri