Revysjef: Thea Taranger er sjef for revystyret til Kvinnherad-russen 2021. 5. mars skulle revyen deira etter planen hatt premiere. No må dei avlysa heile revyen. (Arkivfoto) Foto: Håvard Sætrevik

Må avlysa russerevyen

Kvinnheradrussen har no bestemt seg for å avlysa årets russerevy.

– Det er veldig kjedeleg, men vi synest ikkje at det er forsvarleg å ha ein revy når situasjonen og tiltaka er slik dei er, seier revysjef Thea Taranger.

Revyen, som etter planen skulle ha gått av stabelen 5. mars, vart i slutten av februar utsett til 16. og 17. april. Dei hadde seld ut alle billettane til premieren, men får no ikkje moglegheita til å visa sine revynummer til kvinnheringane.

– Alle som har kjøpt billett får pengane refundert, seier Taranger.