Må i fengsel etter ruskøyring

Ein mann frå Kvinnherad er i Sunnhordland tingrett dømt til fengsel i 26 dagar og mister førarkortet «for alltid» (kan ta førarprøven på nytt om 5 år) etter å ha køyrd bil i rusa tilstand.

I desember i fjor køyrde mannen bil trass i at han var påverka av både cannabis, metamfetamin og amfetamin. Noko han tidlegare også er straffedømt for. Han vart også dømt for bruk av narkotika og for å ha ført motorvogn utan gyldig førarkort. I tillegg til 26 dagar i fengsel og tap av førarkortet, må mannen ut med 75.000 kroner i bot og 5.000 kroner i sakskostnadar.