Mange ledige vaksinetimar denne veka

Det er framleis mange ledige vaksinetimar i Rosendal no på fredag. Kommunen oppmodar folk om å gå inn å bestilla seg ein time.

Denne veka fekk Kvinnherad så mange som 2586 vaksinedosar, og har med det sett opp fleire vaksinedagar denne veka. På Facebook skriv kommunen at dei framleis har ledige timar igjen i Rosendal til vaksinering på fredag, og at det i tillegg vert mogleg å stikka nasa innom for ein drop in.

– Det vert drop in i Rosendal på torsdag frå klokka 14.30 til 15.30. På Husnes er det vanleg timebestilling, men det er høve til å stilla opp klokka 16.30 torsdag for å sjå om det er fleire vaksinedosar att, skriv kommunen.