Manglar aviser til Ølve og Hatlestrand
Distribusjonen manglar 142 aviser til utlevering i Ølve og på Hatlestrand i dag, tysdag.
– Me jobbar med å få ei ordning på alt rotet som har plaga abonnentane våre på Hatlestrand og i Ølve dei siste vekene, seier dagleg leiar i Grenda Jarle Håvik.
Avisene til fleirtalet av abonnentane til Grenda blir no sendt rett frå trykkeriet til grovdistribusjon på Sunde/Ranavik. Avisene til abonnentane våre på Hatlestrand og i Ølve går derimot via Bergen for å bli distribuert ut.
Artikkelen held fram under annonsen.
Det er minst ein stad i kjeda frå trykkeri til abonnent det har lugga dei siste vekene, slik at bodet ikkje har fått nok – eller som denne tysdagen nokon – aviser til å distribuera ut.
– Me jobbar med å få finna og få på plass avisene slik at dei blir klare til distribusjon på Hatlestrand og i Ølve i morgon. I dette tilfelle er det vonleg betre seint enn aldri, men me er ikkje nøgde med at dette skjer gong på gong. No må me i lag med trykkeri og distribusjon finna ut kvifor, sluttar Håvik.
Treng du å oppretta digital brukar? Gå inn på ein låst sak og trykk på «Lag digital brukar», som du finn rett under overskriva. Treng du hjelp med til å finna abonnementsnummeret, ring Jarle Håvik på 41 23 94 68.