Mann i sjøen ved Prestnes
Onsdag klokka 14 vart det meldt om ein mann i sjøen i nærleiken av Prestnes på Sunde.
– Mannen trong hjelp til å koma seg på land. Personen som ringte politiet for å melda frå tok seg av han, seier politioverbetjent Stig Dagfinn Tveiten.
Artikkelen held fram under annonsen.
Personen verkar å vera uskadd, men vil sjølvsagt bli sjekka nærare etter eit kaldt opphald i sjøen. Alle redningsetatar vart varsla om uhellet, inkludert ambulansebåt og Sea King-helikopter.
– Vi trykkjer alltid på den store knappen når slikt skjer, men det ser ut til at dette har gått bra, seier Tveiten.