Mann omkom i bilulukke på Opsangervegen
Vest politidistrikt melder at ein mann i slutten av tenåra er omkomen og ein annan er kritisk skada etter bilulukke mellom Husnes og Sunde natt til onsdag.
– Personane i bilen var begge menn i slutten av tenåra. Ein var bevisst, og er køyrt til sjukehuset på Stord. Opplyst alvorlig/kritisk skada. Person nummer to er dessverre bekrefta omkomen etter gjenopplivingsforsøk (HLR),meldte Vest politidistrikt på Twitter klokka 03.07.
Artikkelen held fram under annonsen.
Bilen skal ha snurra, gått rundt og treft autovernet. Den skadde er sendt til Stavanger universitetssjukehus med kritiske skadar.
– Mannen vart i fyrste omgang flydd til Stord sjukehus. I løpet av natta har han blitt sendt vidare til Stavanger universitetssjukehus, seier Kolltveit til BT.
Ulykkesgruppen til Statens vegvesen er på veg til ulukkesstaden. Vegen forbi ulukkesstaden vil bli halden stengt til etter at vegvesenet har undersøkt staden. Kvinnherad kommune har oppretta kriseteam ved Husnestunet.
Ulukka vart meldt inn til politiet klokka 01.41, og skjedde ved Torboneset på Opsangervegen. Det var glatt på staden, sludd i lufta og kraftig vind.