Mannleg styrar
I ei tid med stadig aukande likestilling får Kvinnherad sin andre mannlege barnehagestyrar.
30 år gamle Even Hansen Skåla vikarierer for tida som styrar i Mauranger barnehage medan Jeaneth Sundal Rangsæter er i barselspermisjon. Bergensaren har busett seg på Løfallstrand med kona Kathrine frå Rosendal.
– Eg har kring 20 minutt reisetid til jobb. Det er ingenting for ein bergensar. I byen var 20 minutt det aller raskaste eg kunne klara. Ofte gjekk det ein time, poengterer han.
Artikkelen held fram under annonsen.
Tida er i det heile noko han har merka seg etter han flytta til Kvinnherad.
– Det verkar som at folk her har betre tid enn det eg opplevde i byen. Og med 12 barn i heile barnehagen, så rekk eg å bli kjent med både alle barna og alle foreldra. Ein rekk å sjå alle barna på ein god måte, og her får ein vera med både dei små og dei store barna, smiler Hansen Skåla.