Meld frå i god tid før du besøkjer sjukeheimane

Framleis er det slik at ein må melda frå i god tid på førehand om ein skal gjesta ein av kommunen sine sjukeheimar.

– Ein skal melda i frå tidleg og når ein kjem så skal ein låsast inn av tilsette på sjukeheimen. Ein kan ikkje berre møta opp og gå inn. Når du kjem skal du kontakta avdelinga du skal besøkja, så får du nokon screeningsspørsmål om covid-19, er det ok så får du koma inn. Så er det direkte til rommet du skal besøkja og direkte ut igjen etter besøket, seier Opland og legg til:

– Dette er veldig viktig. Får vi smitte inn på ein sjukeheim så er det noko drit. Det går fort utover pasientane og kraftig utover bemanninga. Så vi må gjera alt vi kan for å unngå det.