Trafikkulukke ved Årsnes

I den første meldinga stod det at det ikkje var snakk om personskadar, men at ein bil skal ha snurra rundt. Politiet presiserte at bilen ikkje har rulla rundt, og at det heile framstod udramatisk. Hendinga skal ha skjedd om lag 200 meter sør for Årsnes ferjekai.

I ei ny melding kort tid seinare, klokka 14.23, stod det derimot at at ein bil skal ha køyrd i fjellveggen. Det var éin person i bilen, og føraren var vaken. Vidare skreiv dei at vedkomande fekk tilsyn av ambulanse på staden. 

Etter det Grenda kjenner rykte både ambulanse, politi og brannbil ut. 

Klokka 15.05 kom politiet med ei ny oppdatering, der det står at føraren var ei kvinne i 30-åra. Ho var tatt med av ambulanse til Stord sjukehus. 

Politiet har oppretta sak og har tatt beslag i kvinna sitt førarkort. Bilen er henta av bilbergar, og det var igjen fri ferdsel på staden.