Mercuri Urval skal finna ny kommunedirektør

Torsdag hadde eit utvida administrasjonsutval møte for å velja kven som skal leia arbeidet med å finna erstattaren til avgått rådmann Odd Ivar Øvregård.

– Det er konsulentfirmaet Mercuri Urval som er valt til å bistå oss i arbeidet med å finna ny rådmann. Ein har også avgjort at det er den nye tittelen til den øvste leiaren i kommunen vert kommunedirektør, opplyser ordførar Peder Sjo Slettebø etter møtet til administrasjonsutvalet.

Årsaka til tittelendringa er at kommunelova som trer i kraft 1. juli 2019 slår fast at det er det stillinga skal heita.

– Planen er å tilsetja rådmann før jul. Når vedkomande kan byrja i jobben er noko anna, det er avhengig av oppseiingstid  i noverande jobb, legg Slettebø til.

I det utvida administrasjonsutvalet sit formannskapsmedlemmene, gruppeleiarane frå partia som ikkje er representerte i formannskapet og tillitsvalte frå kommunen.