Middagen på bordet før sommaren
Saka om middagsproduksjon til institusjonane vert lagt fram for politikarane før sommaren.
I dag er det som kjent Helse Bergen som leverer middagsmat til Halsnøytunet, Husnestunet, Rosendalstunet og Varaldsøy aldersheim. Anbodet går ut i byrjinga av desember, og lokalpolitikarane har vore tydeleg på at produksjonen deretter skal føregå i Kvinnherad.
– Administrasjonen jobbar no med saka og ser på ulike alternativ, slik at vi kan få ei best mogleg løysing utifrå kvalitet og pris, opplyser ordførar Peder Sjo Slettebø.
Artikkelen held fram under annonsen.
I valkampen tok han Johnny Håvik (Ap) i handa på at dei også skulle greia ut middagsproduksjon på kvar einskild institusjon. Om ei slik løysing framleis er aktuell, er ikkje avklart.
– Men eg reknar med administrasjonen ser på alle moglegheiter, opplyser Slettebø.