Mista førarkortet etter sladding
Det er sjeldan lurt å spinna i rundkøyringar, spesielt ikkje når politiet har promillekontroll like ved.
Laurdag kveld og natt til sundag hadde politiet fleire promillekontrollar rundt om i kommunen. Deriblant ved Tofte på Halsnøy. Undervegs i kontrollen fekk dei auga på ein som spant i rundkøyringa like ved. Mannen som er i byrjinga av 20-åra mista førarkortet på staden og vil bli meldt for aktlaus køyring.
– Vi har ved fleire høve gått ut og åtvara ungdommen om å bruka offentleg veg som leikeplass, dessverre er det ikkje alle som høyrer på det, seier politibetjent ved Kvinnherad lensmannskontor Torgeir Fosse.
Artikkelen held fram under annonsen.
Politiet kontrollerte 6 bilar på Halsnøy og 36 bilar ved Helland på Husnes, ingen vart tekne for promillekøyring.