Mista lappen etter promillekøyring

Ein mann i 20-åra vart i Sunnhordland tingrett dømt til 18 dagar fengsel på vilkår, tap av førarretten på 20 månadar og må betala ei bot på 40.000 kroner etter å ha køyrt bil i påverka tilstand.

Retten trudde ikkje på mannen si forklaring om at han ikkje hadde køyrt bilen, og var etter vitneforklaringar ikkje i tvil om at det var den tiltalte som hadde køyrt bilen og at han hadde gjort det i påverka tilstand. Promillen vart målt til 0,92.