Mista lappen for mobilbruk
UP skreiv ut fem førelegg for fart og to for mobilbruk etter ein kontroll på Opsangervegen onsdag ettermiddag.
Utrykkingspolitiet rigga seg opp til trafikkontroll med fokus på fart og mobilbruk ved skulane på Opsangervegen klokka 12.00 onsdag. Då kontrollen vart avslutta to og ein halv time etterpå hadde UP skrive ut fem førelegg for fart, der den høgaste hastigheita vart målt til 73 kilometer i timen i 50-sona, og to førelegg for mobilbruk.
Artikkelen held fram under annonsen.
– Der den eine resulterte i beslag av førarkort, seier politiførstebetjent Torgeir Fosse ved Kvinnherad lensmannsdistrikt.
Noko meir informasjon om kvifor det var beslag har ikkje politiet i Kvinnherad fått informasjon om.