Mopedulukke i Ølve

Oppdatert: I 12-tida laurdag skjedde det ei ulukke like ved Ølve skule.

Klokka 12.28 la Vest politidistrikt ut følgjande melding på Twitter: "Trafikkulykke. Motorsyklist har kjørt i autovernet. Politi og First responder fra brann på vei til stedet. Fører er bevisst og oppegående".

Eit augevitne Grenda har snakka med, fortel at både Ølve branntropp og ambulanse frå Tysnes har rykt ut.

Det viser seg at ulukka skjedde i samband med mopedopplæring. Følgjet bestod av tre elevar og ein lærar. Det var ein av elevane som var uheldig og kom borti rekkverket. Vedkomande vart sendt til Stord sjukehus i ambulansebåt.