No er Bruvik generalsekretær i LLA
Frå i dag (onsdag) av er Tomas Bruvik ny generalsekretær i Landslaget for lokalaviser.
Det betyr at han no er leiar for avisorganisasjonen som har over 110 lokalaviser frå heile landet. Aviser som får skryt av den ferske landslagssjefen.
Artikkelen held fram under annonsen.
– Lokalavisene gjer ein svært god jobb i sine lokalsamfunn. Dei er viktige for innbyggjarane. Eg ser fram til å driva vidare det solide arbeidet som er gjort i LLA-familien sidan etableringa i 1976, seier Tomas Bruvik i ei pressemelding.
Avtroppande generalsekretær Rune Hetland vart tysdag heidra med lovord, takketalar og ei gullklokke for 25 års teneste for LLA og lokalavisene. Hetland går no over i ei rolle som pressepolitisk rådgjevar i LLA.