No opnar BUA i Rosendal
Onsdag ettermiddag vert det offisiell opning av BUA si avdeling i Rosendal.
BUA er lokalisert i praksisfløya ved Rosendal ungdomsskule. Under opninga vert det snorklipp ved ordførar Vegard Bjørnevik. Rosendal speidargruppe skal tenna i bålpanna og grilla pølser og pinnebrød. Det vert også servering av kakao, småkaker og frukt.
«Vi ynskjer alle velkomen til opninga av BUA Rosendal, og sjå kva utstyr du kan låna hos oss», heiter det på plakaten.
Artikkelen held fram under annonsen.
BUA er ei gratis utlånsordning av tur- og fritidsutstyr for barn, unge og vaksne. BUA har frå før avdeling på Husnes.