– Noko å tyggja på

Etter eit kjapt søk i Grenda sitt arkiv finn eg eit lesarinnlegg frå 6 februar 2015 der eg på vegne av Arbeiderpartiet skriv om vår visjon for middagsproduksjon på institusjonane våre i framtida.

I våre alternative budsjettforslag denne perioden har Arbeiderpartiet kvar gong foreslått at vi skal bygge kjøken på Rosendalstunet, slik at alle institusjonane våre kan syta for eit godt og veltilpassa kosthald til den enkelte. Og kvar gong har vårt forslag blitt nedstemt.

Kommunestyret har bedt om, og blitt lova utgreiing for lokal matproduksjon på institusjonane fleire gonger. Kommunestyret venter framleis på utgreiing.

Så det er veldig hyggeleg å lese at leiaren i Høgre og ordførarkandidaten tek til orde for å få i gang middagsproduksjon på institusjonane våre i neste kommunestyreperiode. Men er viljen verkeleg til stades? Kvifor skal vi tru på at Høgre no vil samarbeide med Arbeiderpartiet for å få dette til?

Det viktige er ikkje alltid kva ein lover i valkampen, men kva ein kan vise til at ein har jobba for over tid.

Arbeiderpartiet har ikkje gitt opp håpet om å få fleirtal for kok-server. Velkommen til konstruktivt samarbeid Høgre!

 

Av Hilde Enstad, ordførarkandidat Arbeiderpartiet.

[gravityform id="11" title="true" description="true"]