Norovirus på Rosendalstunet og heimetenesta

– Det er stadfesta to tilfelle av norovirus ved institusjon i dag (fredag 30. januar). Det er også sjukdomstilfelle med oppkast og diaré i heimetenesta og på institusjon både hos pasientar og personale, opplyser Tone Tufta Gaugstad, leiar Rosendalstunet.

Det er Kvinnherad kommune som opplyser om dette på nettsida si.

Pårørande blir oppmoda om å vurdera behovet for besøk opp mot risikoen for smittespreiing.

Tufta Gaugstad minner dei som vitjar Rosendalstunet i denne tida bør vera ekstra nøye med handhygienen, både for å unngå å bli smitta sjølve og for å hindra vidare spreiing av viruset.