NRK: Alle Boreal-båtar har fått seglingsnekt
Alle ferjer og snøggbåtar i reiarlaget Boreal er beordra i land etter revisjon stadfestar Sjøfartsdirektoratet til NRK.
Onsdag ettermiddag melder NRK at reiarlaget som her lokalt trafikkerer sambandet Utåker - Matre - Skånevik, har fått seglingsnekt på alle ferjer og snøggbåtar.
Artikkelen held fram under annonsen.
– Me har vore på revisjon i Boreal. Som resultat har me foreløpig trekt tilbake det overordna styringssertifikatet som igjen påverkar alle fartøya. Det er alvorleg, seier kommunikasjonsdirektør Dag Inge Aarhus i Sjøfartsdirektoratet til NRK.
– Dette er ikkje noko me gjer med eit reiarlag utan at det er alvorlege funn. Me har eit sikkerheitsansvar, og dette er det einaste rette å gjera, opplyser Aarhus vidare til NRK.
NRK hadde ikkje lukkast med å få kommentar frå reiarlaget onsdag ettermiddag.