NRK: Fylkeslegen opnar tilsyn etter varsel
Eldreomsorga i Kvinnherad skal under lupa.
Det melder NRK fredag ettermiddag.
Artikkelen held fram under annonsen.
– Vi vil be kommunen om å gjera greie for innhaldet i det som har kome fram i media, og så må vi ta stilling til opplysningane vi får om korleis vi skal behandla saka vidare, seier assisterande fylkeslege Linda Svori i Vestland til NRK Hordaland.
Tilsynet kjem etter at ein tilsett ved ein institusjon i Kvinnherad sende ei uromelding om uforsvarleg drift til fleire politikarar i Kvinnherad. Fylkeslegen tok opp innhaldet i oppslaga som har vore i media i etterkant på eit møte torsdag, og landa på å opna tilsyn.
– Når vi får slike oppslag i media, så må vi diskutera om det er gode grunnar for oss å gå inn i saka for å få den betre opplyst, og det kom vi fram til her, seier Svori.
Ynskjer velkomen
Til NRK seier ordførar Hans Inge Myrvold at han ynskjer fylkeslegen velkomen.
– Det viser at systemet rundt oss følgjer med, og ikkje minst så vil vi gjerne få inn litt andre auge på den situasjonen vi no lokalt prøver å handtera på best mogleg måte. Vi skal prøva å bidra med alt vi kan. Og så er det viktig at fylkeslegen får gjort ein god jobb i det tilsynet som dei no vil gjennomføra, seier Myrvold til NRK.
https://grenda.no/fleire-innspel-men-inga-konkret-loysing-enno/