Ny kalender på plass
No kan 2019 berre koma. Grenda sin kalender er nemleg klar.
Frå 1986 til 2013 gav Kvinnherad Sparebank (seinare SR-bank) ut ein kalender som var svært populær både i og utanfor Kvinnherad. I 2014 overtok Grenda og førde den gode tradisjonen vidare. No er avisa klar med kalender for 6. gong. Storleiken er som alltid 50x70 centimeter, og opplaget er på heile 2.700 eksemplar.
Artikkelen held fram under annonsen.
– Responsen er veldig bra. Vi har difor auka opplaget fleire gonger, og det ryk ut kvar gong, seier Maylin Kristiansen i annonseavdelinga til Grenda.
Kan henta
Også i år er det avisa sine lesarar som har teke dei 12 fotografia som prydar kalenderen. Bileta viser natur og folk frå heile kommunen.
– Nok ein gong fekk vi inn mange flotte bilete som er teke av lokale fotografar, takkar Kristiansen.
Folk kan henta kalender på Grenda sitt kontor i Rosendal eller hjå SR-bank på Husnes. Før jul vil utsendingar frå avisa også reisa rundt og distribuera til dei fleste bedriftene i kommunen. Firma som ynskjer ekstra mange eksemplar, kan gjerne gje melding om dette på førehand.