Ny smak i frå Oska

Verten på Oska i Uskedalen arbeider stadig med å utvikla bedrifta Smakifrå. Det aller nyaste konseptet er ei fersk, nybrent kaffiblanding laga spesielt for vertshuset.

Bønnene er valde ut og brende av Kenneth Rasmussen – uskedelingen som jobbar for Bergen Kaffebrenneri på Møhlenpris. Brenninga har alt å seia når det gjeld kaffi. Er han ljosbrent får ein fram fruktigheita i bønnene, er han mørkbrent kjem det fram sjokolade- og nøttesmak. Oskakaffien er ein mellombrent kaffi, og har altså litt av begge deler.

– Dette er ein allroundkaffi alle likar. Han passar godt etter eit måltid og absolutt til kake, lovar Roy Lervåg.

Les meir i torsdagens Grenda eller i pdf-utgåva.